الراعي الرسمي لشبكة نحن العرب : ( مجلة سيرف نت تكنولوجي ) عالم التقنية والبرامج والتطبيقات


العودة   منتديات شبكة نحن العرب ملتقى كل العرب > الأقسام الترفيهيه > منتدى الفرفشة

منتدى الفرفشة مواضيع مضحكة , صور مضحكه , مقالب , فيديو مقاطع مضحكه , فرفشة ومتعه , ضحك ولعب ووناسه

  • اضغط على تبليغ في حالة وجدت أي مشاركة مخالفة لقوانين المنتدى
إضافة رد
 
LinkBack أدوات الموضوع
قديم 26 - 01 - 2008, 08:13 PM   #1
.:: عضو نشيط ::.

الصورة الرمزية روءه
تاريخ التسجيل: 12 - 2007
الجنس : أنثى
المشاركات: 79
حساباتي في:
روءه will become famous soon enough
Smile قصص ومقالب الأزواج



المقلب الأول :
كان زواج صديقي في صيف 1423هـ واهديتله هدية يوم عرسة بعلبة كبيرة فاخرة ومغلفها تغليف فاخر ,طبعاً هو مبسوط من الهدية الفاخرة من صديق عزيزة له (اللي هو انا),واليوم الثاني اجتمع هو العروس ومها وامه واخواتة عشان يشوفون الهدايا وقال أول ما ابداً افك هدية صديقي لآنها فاخرة وأكيد فيها شئ فاخر ويوم يفكها ويحصل داخلها حزمة جرجير وكاتب له عليها (لو تعرف فوائد الجرجير كنت حتزرعة تحت السرير) وكانت فشيلة له قدام العروس وحماته وامه واخواته , وهددني وتوعد انه برد الصاع صاعين

المقلب الثاني :
مثل مايقول المثل (اصافع ينسى والمصفوع ماينسى) , المهم كان زواجي في صيف 1426هـ يعني بعده بثلاث سنوات قلت لصديقي ابيك تفزع معي قال ابشر بعزك وانا تحت امرك قلت له ابيك تاخذ سيارتي وتوديها للتلميع الساطع ومن ثم توديها لصاحب الزينه عشان يزينها وتجيني يوم العرس وتاخذني من البيت للقصر قال ابشر , وماشاء الله علية ماقصر خلى السيارة أحلى من العروسة , وبعد العشاء قال انا بمشي مع خوية لآني ماعندي سيارة قلت له كمل جميلك وخلي السيارة في الخلف بالكراج محل ما يخرج العريس والعروسة قال ابشر , طبعاً خلى السيارة في الكراج وجاب لي المفتاح ومشي مع خوية , بعدها اخذة العروس ورحنا لسيارة ابغى افتح السارة بالرموت ما فتحت قلت اظاهر انه الرموت معلق رحت فتحت السيارة بالمفتاح وابغى اشغل السيارة مارضيت تشتغل استغرب وش فيها السيارة وتوها جديدة ومالها خمس اشهر احاول مرة ثانية وثالثة ورابعه عيت تشتغل والجماعة كلهم متضريني على الشارع عشان يزفوني للبيت , وعينك ماتشوف إلا النور عيت تشتغل والدنيا صيف وحر ورطوبة جدة اخر الليل واخر حلاوة مايحتاج وصف وعفسة ما بعدها عفسة مكياج العروس ذاب من الحر والرطوبة وانا مدووش ومربوش , فكيت الكراج وقلت لعيال عمي تعالوا دفوا السيارة لآنها ما شتغلت وما قصرو قاعدين يدفوا مسافة نص كيلو ولا رضيت تشتغل وبعدها قلت ممكن البطارية مغلقة لآنه مافي ولا اي انارة وراحوا جابو بطارية , فكيت كبوت السيارة وكتشفت ان صديقي فاصل وحدة من اصابع البطارية , واليوم الثاني ارسل لي رسالة بالجوال يسلم علي ويقول وش رايك بالمقلب - تكبر وتاكل غيرها

وســـــلامتكم

بــــنـــــــدر

---------------------------------------------------------------------------------

الموقف بعد ليلة الدخلة بايام

يقول وحنا في الفندق سألت زوجتي : الا الشغالة مسخنة

الزوجة بتعجب شديد : اي شغالة ؟!

الرجال يقصد السخانة مشغلة ويوم فهمت الزوجة وتمسكها عليه ثلاث سنوات كل ماشافته قالت له الشغالة مسخنة

يقول ولكن جاء الفرج و كنت مرة مستعجل وقلت لها : يالله اخلصي علينا >> ابي امشي

قالت : طيب اصبر خلني ارضع الغسالة

( اغسل الرضاعة )

يقول والحمد لله بعدها مالها وجه تذكر السالفة

والسلام عليكم ورحمة الله وبركاته

(( ابو يوسف ))

---------------------------------------------------------------------------------

واحد في ليلة الدخله لما راح لعش الزوجيه .. يقول كانت الليله رومانسيه لأبعد الحدود والـ مالي المكان وفجأه وانا اسولف معها غلط باسمها بدل ماقول جواهر قلت هند !! وانقلبت الليله كحلي .. ومن يومها ولي الحين ثلاث سنين وهي تسال من هي هند اللي غلطت باسمها ليلة الدخله .. ؟

---------------------------------------------------------------------------------

وهذا واحد شين مره يعني مهوب مره لكن مقاييس الوسامه ماره جنبه وكانت متعديه السرعه ومامداه ياخذ منها شي .. المهم وفقه الله ببنت مزيونه .. يقول :

في ليلة الدخله وكنا في قصر الأفراح .. وفي الزفه كنت ماسك المدام ونمشي قدام هالخلق .. ومادريت الا اسمع وحده تقول : وع وش هالشين وش طيحه بهالمزيونه يقول لي يومك والله خاطري لو اشوفها الحين كسرت راسها

---------------------------------------------------------------------------------

واحد بيسوون فيه ربعه مقلب وهو راعي مقالب ويوم جا لليلة العرس وأمسكوه بلقوة وأحلقو شنبه من زينه شين وزاد شينه

---------------------------------------------------------------------------------

وهذا واحد الله يذكرة بالخير ليله عرسه طلب السيارة علشان الزفه قلت أبشر أنت تآمر لو تبي ثلاث أيام بلياليهن قال أبد خلني أخلص وتعال خذها من الفندق وجيت آخر الليل وقلت للإستقبال وين المفتاح قال دقيقه إلا يدق على المعرس اللي ما يستحي وعطان السماعة بدون ما أدري منهو

إلا صاحبنا وكأنة توة مخلص سباق قفز الحواجز آه آه آه آه الله يعافيك أسمع صرصرة سرير والله هاك الليل ما نمت

---------------------------------------------------------------------------------

حصل لي موقف ليلة الدخلة

احد الشباب وضع لي ( هالول في بيالة الشاهي ) و لكم ان تتصوروا باقي الفلم :{



بعد ثمانية أشهر حضرنا زواج هذا الحبيب وبعد ان اخذ عروسته إلى شقته قفلنا عليه ( قاطع الكهرباء ) ونزل الرجال بفنيلة علاقي و سروال طويل بيشوف وش السالفة

أخذناه بالقوة أنا و اخوه ورميناه بالثمامة حوالي الساعة الواحدة صباحا

المسكين كان سمين جدا و إذا طول بالمشي يجيه ؟؟؟؟ >>> ( تزلط )

وصل لبيته الساعة خمس الصبح

سأله أخوه ليش ما وقفت تكسي و الا اشرت لاي سيارة ؟

قال منهو المهبول الي يبي ياقف لواحد لابس فنيلة علاقي و سروال طويل !!



قابلته بعد أسبوع وقلت له إذا رغبت فعاود

قال التووووووبة ما اعود لها



معاني الكلمات

هالول = نوع من الأدوية وهو مسهل

تزلط = انحراق طبقة الجلد من شدة الاحتكاك



---------------------------------------------------------------------------------

دخل على زوجته ليلة العرس......علق البشت...........ولأنه كان مرتبكا ويريد الانفراد بها قال لها أنتظرك في الأسفل للذهاب للفندق.............نزل وانتظر طويلا طويلا...........لم تأت..........صعد إليها وقال بهدوء وأدب:يالحبيبة مشينا........ ونزل.................انتظر طويلا....لم تنزل.........صعد إليها.................بدون مقدمات:ترى تأخرنا بالحيل...........نزل...............سيم سيم أول..............استشاط غضبا.............نسي كل حركات الود وكسب الزوجة..............زمجر بقوة وزأر بعنف..............وبعدين........... صاير سلم كهربائي طالع نازل..........ليش مانزلت.......طأطات رأسها مبتسمة............لا وبعد تضحك..........قالت له بهدوء وحياء العذارى............أنت لابس عباتي...........أثري خوينا خطف العباة مع الربكة يحسبها بشته الأسود........وطول الوقت وهو طالع نازل بالعباة.........استروا على ماواجهتوا



---------------------------------------------------------------------------------

أحد زملاءي طلع قوي عين بالمرة ، في ليلة زفافه ، هو اللي سوى لي موقف محرج !!!!

الأخ هلالي متعصب بشكل غير طبيعي ، و أنا دايم أحب أرفع ضغطه ، فتشوفون دائماً أنواع التعليق عليه و على ناديه ، المهم ما صار يسميني إلا النصراوي

و كان زواج الأخ الكريم يوم الخميس الماضي ، و كان الهلال فاز في مباراة مهمة يوم الأربعاء على فريق أوزبكي على ما أعتقد.

المهم حضرنا زواجه أنا و بعض الزملاء ، و جيت سلمت عليه و قلت له ألف مبروك ، قال لي على أيش ، عالزواج ولا على فوز الهلال !!!!

ثم إلتفت على جماعته وقال بصوت عالي : شوفوا هذا هو النصراوي !!!!! ، و ما أشوف إلا كلهم يناظرون فيني نظرات ما أدري وش تبي ، حتى شكيت في نفسي أنا رحت لقصر الأفراح أو لنادي الهلال !!!!! ، طلعوا جماعته كلهم هلاليين متعصبين !!! ، والظاهر الرجال من كثر ما كنت أقهره كان يقول لهم عني !!!!!.

لكن الجميل في الموضوع إن أحد الزملاء عمل له مقلب محترم ، راح جاب ظرف فخم و راح للصيدلية واشترى (( واقيات )) و حطها في الظرف و قفل الظرف ، و سلم عليه في الزواج و قال له هذي عانية جمعتها لك من الشباب !!!!!!!!!!!! و الرجال أخذها مبسوط وهو يشكر و يقول ما قصرتوا

و يوم جاء اليوم الثاني و يرسل لخويي رسالة على جواله يسب و يشتم و يتوعده بالرد في زواجه ، بس خويي رد عليه و قال معليش حنا زواجاتنا عائلية يعني إنسى إني أعزمك

---------------------------------------------------------------------------------

عاد أنا بليلة دخلي غير

ما فيها صرقعه بس ثقل فوق اللازم

اول ما دخلنا غرفة الفندق المريديان نزعت البشت

وجلسنا على مائدة الفواكه وبدات باكل التفاحه وتقديمها للمدام

وبدا السكوت المميت بينا وما عرفت وشو السوالف اللي تقال بهذي الليله

ولاني ما عرف الا سوالف الكتب وآخر ما نزل منها وسوالف الحركات القومية والاحزاب

فقلت لها تعرفين وشو عن حزب البعث قالت مش كثير وهي مستحيه

فعطيتها درس مدته ربع ساعه عن حزب البعث

وبعدين قلت لها تعرفين شئ عن الحركة البابيه والبهائيه وحقيقة إسلاميتهم

فقالت اول مره اسمع فيهم وهاك نص ساعه شرح مركز مع شرب ماء وبيبسي كل خمس دقايق

خويك متحمس للي يعرفه وهي ما بس تهز راسها

قلت لها تعرفين شئ سارتر وتلميذته سيمون دي بوفوار وكتابها الجنس الأخر

قالت هذي اكله ولا وشو قلت لا هذولا رواد علم النفس الجنسي في فرنسا

ومحطت فيها نصف ساعه في كتبهم وآرائهم الفلسفيه

قلت لها تعرفين مقولات اهل الفلسفه في الانا والانا العليا والعقول العشره

قالت ولا يوم من الايام قابلتهم وامصع فيها ساعه لشرح تلك الفلسفه اللي ذبحها الغزالي ذبحا

وبصراحه استهواني الجو وحده بس تسمع وتهز راسها كانها تقولي كمان كمان

حتى جاء الفجر وانا اطلعها من كتاب وادخلها في فكر وفلسفه ومنطق

ووالله بعد ما رحنا الفراش توني بقول لها تعرفين ع...... ن م...بد ........ا وااااااااااااااااااو

وآخذها نومه من غير والله شعور ولا اجلس الا على الظهر

يوم قمت وشفت البنت نايمه وافرد خمس اصابع مخمس على وجهي واتذكر الغلطه الكبيره

اللي وقعت فيها واقول بنفسي ما تعرف تاجل هالسوالف لليله ثانيه

المهم بعدين لما اخذنا على بعض للآن كل ما تذكرنا الموقف

تقول والله ودي اقوم واخليك تسولف لحالك بس الحيا ذبحنا

وكل ما يجيني النوم اروح للحمام واغسل وجهي عشان ما ارحجك ولا افشلك

وكل ما ودي اغير الموضوع على طول تمسكني خط بموضوع ثاني

وقعدت اقول بقلبي ياو يلي ويلاه هذا الرجال يبي ينومني على كتب ويقعدني على مقالات



---------------------------------------------------------------------------------

السلام عليكم

اتذكر يوم الزفاف كنت قاعد انتظر اخو الحرمة يتصل بي علشان ادخل الى داخل قاعة الزفاف و كنت مرتبك بطبيعة الحال و افكر شو بسوي يوم بدخل و كيف بتصرف و كيف و كيف و الف فكرة و فكرة تدور في بالي ... فقلت خلني أريح اعصابي بأخذ رشفة من (الكرك) الشاي بالحليب الساخن ... فمريت على الكوفي شوب و اطلبلك ذاك الشاي اللي يعدل الراس و يهديه... و خذيت الشاي معاي (بارسل) و رحت ووقفت بجانب القاعة .بس الظاهر ان الشاي ما جاب مفعوله ... لأني حطيت كوب الشاي بمكانه في السيارة و من كثر الارتباك قمت حطيت الموبايل(الجوال) داخل الكوب و عينك ما تشوف الا النور .... و تخيل الخبصة اللي استوت بعدين...



و أسأل الله بأن يرزقكم جميعا بالزوجات الصالحات وبأن يرزقكن بالأزواج الصالحين...


تحياتي روءه



روءه غير متصل   رد مع اقتباس
قديم 26 - 01 - 2008, 09:21 PM   #2
::( نــاشــط سيـــاسي )::

الصورة الرمزية ناصرمحمدالعربي
تاريخ التسجيل: 08 - 2007
الجنس : ذكر
المشاركات: 184,863
حساباتي في:
ناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond reputeناصرمحمدالعربي has a reputation beyond repute
إرسال رسالة عبر مراسل MSN إلى ناصرمحمدالعربي
افتراضي رد: قصص ومقالب الأزواج

مشكورة على الموضوع
واسمحي لي بنقله لمكانه المناسب
ناصرمحمدالعربي غير متصل   رد مع اقتباس
قديم 26 - 01 - 2008, 09:23 PM   #3
.:: عضو نشيط ::.

الصورة الرمزية اسم مستعار
تاريخ التسجيل: 01 - 2008
الجنس : ذكر
المشاركات: 57
حساباتي في:
اسم مستعار has a spectacular aura aboutاسم مستعار has a spectacular aura aboutاسم مستعار has a spectacular aura about
افتراضي رد: قصص ومقالب الأزواج

الله يعطيج العافية
اسم مستعار غير متصل   رد مع اقتباس
قديم 26 - 01 - 2008, 09:35 PM   #4
.:: عضو نشيط ::.

الصورة الرمزية روءه
تاريخ التسجيل: 12 - 2007
الجنس : أنثى
المشاركات: 79
حساباتي في:
روءه will become famous soon enough
افتراضي رد: قصص ومقالب الأزواج

شكرا منصوري على مرورك
وأشكرك درب الشوك على ذوقك
وأنقله وين ماتبغى
تحياتي
روءه
روءه غير متصل   رد مع اقتباس
قديم 26 - 01 - 2008, 10:10 PM   #5
:: مشرف سابق ::

الصورة الرمزية WelD aLMnaSeeR
تاريخ التسجيل: 10 - 2007
الإقامة: دبي دانت الدنيا
الجنس : ذكر
المشاركات: 1,700
حساباتي في:
WelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond reputeWelD aLMnaSeeR has a reputation beyond repute
إرسال رسالة عبر مراسل MSN إلى WelD aLMnaSeeR إرسال رسالة عبر مراسل Yahoo إلى WelD aLMnaSeeR
افتراضي رد: قصص ومقالب الأزواج

الله يعطيك العافية
WelD aLMnaSeeR غير متصل   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ناشطة كويتية تدعو لسن قانون يجيز للكويتيات شراء الأزواج ڛنقبآآڛيـăDـﮧ منتدى الغرائب والعجائب 6 13 - 07 - 2011 06:24 PM
كتاب جديد يعالج كآبة الأزواج والزوجات ڛنقبآآڛيـăDـﮧ الحياة الزوجية 3 08 - 12 - 2010 04:06 PM
أسباب بروز البطن لدى الأزواج . فائز الشيحاني الصحة والطب وطب الأعشاب 3 02 - 10 - 2009 04:24 PM
متجر لبيع الأزواج alawwalani منتدى الغرائب والعجائب 1 26 - 04 - 2009 01:20 AM
سوق لعرض الأزواج علي النساء أدخل وشوفا السوق للأزواج أمل الوجود منتدى الفرفشة 4 15 - 02 - 2008 12:06 AM


الراعي الرسمي لشبكة نحن العرب : ( مجلة سيرف نت تكنولوجي ) عالم التقنية والبرامج والتطبيقات



الساعة الآن 03:27 AM.

Hosting by ServNT.Com
Powered by vBulletin® Version 3.8.8
Copyright ©2000 - 2014, vBulletin Solutions, Inc.
Search Engine Optimization by vBSEO ©2011, Crawlability, Inc.
الموقع لا يمثل أي جهةٍ رسميةٍ وليس له علاقة بأي تنظيمات أو جهات ولا يتحمل أي مسؤولية تجاه ما ينشره الأعضاء